13590509_10209598774116911_8029075176254524630_n

Til hamingju Portúgal með Euro2016 – Saga Cristiano Ronaldo

Jæja Cristiano, hvernig var sumarið 2016 hjá þér?

„Þetta hefur verið frábært sumar. Eftir að hafa unnið Meistaradeildina með Real Madrid í 2. skiptið á 3 árum ákvað ég að fara í gott frí áður en ég myndi byrja að undirbúa mig fyrir EM. Eftir að hafa slett rækilega úr klaufunum á einhverri snekkju á Ibiza, tók alvaran við.

Fyrsti leikurinn var 1-1 tap fyrir Íslandi og það var algjör skellur. Eftir leikinn var ég hundfúll og lét leiðinleg orð falla í garð íslendinga, og það fór allt í háaloft í íslenskum fjölmiðlum. Það mætti halda að ég hafi framið fjöldamorð. Ég fékk svo sannarlega að heyra það frá miðaldra-fólkinu-sem-kann-ekki-stafsetningu og flíspeysumömmunum-sem-skilja-ekki-rangstöðuregluna í kommentakerfinu. Skemmtilegt að segja frá því að í 70% af kommentunum þurfti fólk að nefna hversu myndarlegur ég er, það var heimsklassa comedy.

Næsti leikur var leiðinlegt 0-0 jafntefli við Austurríki þar sem ég klúðraði víti. Þá var svo sannarlega gert grín og glens að klúðrinu mínu, og þá var annað tækifæri fyrir allt fólkið sem þjáist af krónískri minnimáttarkennd að berja á lyklaborðin á bakvið skjáinn og setja sig á háan stall í kommentakerfinu. Kommentakerfið er nefnilega frábær vettvangur fyrir fólk með þetta algenga vandamál að láta ljós sitt skína. Ég var ánægður fyrir þeirra hönd, þetta var örugglega hápunktur ársins hjá mörgu af þessu fólki.

Síðasti leikurinn í riðlakeppninni var 3-3 jafntefli við Ungverjaland þar sem ég er maður leiksins með 2 mörk og 1 stoðsendingu. Við enduðum í 3. sæti í riðlinum.

Í 16-liða úrslitum mætum við Króatíu. Leikurinn fer í framlengingu og við skorum á 117. mínútu til að tryggja okkur 1-0 sigur og ég með stoðsendingu. Allir sögðu að Króatía væru á leiðinni í úrslit eftir að hafa unnið Spán, hahahahahahahahaha.

Í 8-liða úrslitum mætum við Póllandi. Leikurinn endar í vítaspyrnukeppni og við vinnum 5-4. Eftir að við slóum Króatíu úr leik átti Pólland víst að fara alla leið í úrslitin, úpps.
Í undanúrslitum mætum við Wales. Þetta var mikilvægasti leikurinn til þessa og þá ákvað ég að halda í gamlar hefðir. Ég er maður leiksins með 1 mark og 1 stoðsendingu í 2-0 sigri. Sendi Bale minn og restina af gæjunum sem eru með rollu-fetish heim eftir frábært mót.

Úrslitaleikurinn á móti heimamönnum, Frakklandi. Stærsti leikur ársins og stærsti leikur lífs míns, ég get loksins sigrað titil fyrir landið mitt. Nánast allir halda með frökkum og spá þeim sigri. Ég fer meiddur útaf eftir 25 mín. Mesti skellur lífs míns, hef aldrei verið jafn svekktur. Leikurinn fer í framlengingu eftir 0-0 eftir 90 mín. Éder skorar fyrir okkur á 109 mín. LEIKURINN ENDAR 1-0 OG VIÐ VINNUM EM AHHAHAHAHAHAHAHAHAHAHHA FORCA PORTUGAL!!!!!!!!!!!!!!!!!!!!!!!!!!!!!

Ég er sigurvegari EM með Portúgal og vinn þar af leiðandi minn fyrsta titil fyrir landsliðið. Auk þess er ég markahæsti leikmaður í sögu EM ásamt Platini. Á meðan ég var að vinna titil með landsliðinu þá var kollegi minn og hormónadvergurinn hann Messi að tapa sínum 4. úrslitaleik í röð með landsliðinu sínu. Eftir tapið hættir hann með landsliðinu vegna þess að hann getur ekki unnið titil, fer síðan beint heim til Spánar þar sem hann er dæmdur í 21. mánaða skilorðsbundið fangelsi vegna þess að greyjið kallinn er, ásamt föður sínum, skattsvikari (hann er með 10 milljarða ISK í árslaun).“

 

Höfundur Gunnar Hubert Luchner

 

900

Athugasemdir

Hollywood stjörnurnar um Rondu Rousey – Myndband