efg5er5ekki5

“Ég grét á hverjum degi mestallan daginn” – ‪#‎égerekkitabú‬

‪#‎égerekkitabú‬ 

Ég vildi koma frá mér gömlum status sem ég skrifaði þegar ég var í grunnskóla, með því sem ég vil opna mig um og fá sem flesta til að opna augun.

“Mig langar að fá útras, ég er að deyja úr þunglyndi. Ég hata lifið. Bara útaf þunglyndinu mínu. Fyrirgefðu. Og lika það að mér finnst ég ekki nógu góð fyrir neinn. Mer líður eins og enginn elski mig né muni nokkurntímann elska mig. Og það er verulega sárt. Mér líður eins og allir séu fallegri en ég og betur vaxnir, vá hvað ég er feit og ógeðsleg eitthvað. Andjóks mig langar að skera af mér fituna. Það er svo fokking mikið af henni. Mig langar að vera falleg og grönn. Ég er obsessed með þetta.

Ég get ekki hætt að hugsa svona. Ég veit samt betur. Ég hata sjálfa mig meira en allt. það er ömurlegt að lifa svona einmanalegu lífi. Ég er næstum alltaf ein. Ég á það samt skilið. Og ég á ekkert gott skilið. Mig langar að hætta að anda. Bara enda lifið núna eins og það er afþví mér er sagt það á hverjum degi hversu worthless ég er. Ég á enga vini.” “Mér líður eins og ég se einskis virði, aumingi, brotna nidur í skólanum eins og fáviti… Mig langar bara að deyja. En það er erfitt ad skilja alla eftir sem eg elska… Ef ég hefdi engann að myndi eg gripa tækifærid… STRAX. Þetta er svo erfitt. ég er ad gefast upp. Mig langar bara að deyja.

 

Hér er svo það sem ég vildi koma frá mer, sem er að hjálpa mér svo mikið í dag, og ég er svo þakklát þessari byltingu ‪#‎égerekkitabú‬ 

Þar sem ég skrifaði statusinn áðan fékk ég hugmynd að því að sýna ykkur svolítið sem ég skrifaði til sjálfrar mín fyrir ekki svo löngu, en ég ákvað að gefa lífinu séns aftur og reyna meira og betur, vera sterkari. Svona hugsa margir sem eru þunglyndir, ekki allir, þunglyndi er misjafnt og persónubundið.

“Ég áttaði mig á því að ég er búin að gefast alveg upp og minn tími er kominn, ég fer ekki strax en það verður bráðum og ef einhver reynir að stoppa mig vil ég að sú manneskja viti að mér líður eins og ég sé að brenna lifandi, drukkna, kafna, springa, rifna og að fólk sé að toga mig í allar áttir á hverjum einasta degi. Mér líður svo illa andlega að líkaminn minn höndlar það ekki. Þetta er orðinn líkamlegur sársauki og meira til. Þetta er að eyðileggja líf mitt og þeirra sem standa mér næst. Ég hata sjálfa mig og lífið í allri sinni “dýrð”, ég vill ekkert út úr þessu lífi. Ég er að bíða eftir að ég bókstaflega dey. Ég vill frekar rotna í kistu í jörðinni vitandi að það er ekkert líf eftir þetta og ekkert himnaríki né helvíti, ég upplifi helvíti á hverjum degi. Ég er orðin svo góð að blekkja fólk í að ég sé hamingjusöm að ég var farin að blekkja sjálfa mig. Það eyðilagði mig algjörlega. Fyrsta slæma hugsunin mín um lífið var í 3-4.bekk þegar ég neitaði að leika við vinkonur mínar í boltaleiknum ASNA í frímínútum. Mér leið eins og lífið væri blekking, ég væri strengjabrúða og það væri verið að leika sér með mig. Ég vildi ekki að lífið væri þannig. Ég vill ekki lifa þannig en þetta er ennþá svona. Ég er tilbúin og hef verið það í of langan tíma. Ég hef ekki ákveðið enn hvernig eða hvar en það mun verða af þessu sjálfsvígi einhverntímann.”

Ég vill koma því á framfæri að ég er að gera allt sem í mínu valdi stendur til að breyta þesu hugarfari og fæ ómældan stuðning frá fjölskyldu og vinum og ég er líka að reyna að styðja aðra því ég hef skilning á þessu. Ég hef verið með sjálfsskaðandi hegðanir í þónokkuð langan tíma og reyndi að fyrirfara mér tvisvar haustið 2013 en mér var veittur stuðningur sem hjálpaði tímabundið, ég hætti að mæta jafn vel í skóla og er að reyna að bæta mig í því. Ég var beitt kynferðislegu ofbeldi og var fórnarlamb nauðgunar og það gerði hlutina enn erfiðari. Núna er ég að leita mér að öðru sem getur hjálpað mér að trufla þessar tilfinningar þangað til ég finn leið til að hjálpa mér enn betur. Ég vildi deila þessu með ykkur og vona það að ég hafi ekki valdið ykkur of miklu sjokki. Takk fyrir að lesa þetta þið sem nenntuð og gerðuð það <3  ég sendi ást til ykkar allra!

Ljósbrá Anna

900

Athugasemdir

Hann spyr um mikið! – Þú hefur líklega ekki séð svona mikið KRÚTT áður

Next Story »

Ég skammaðist mín mjög fyrir sjálfa mig og hef lítið viljað tala um þetta – ‪#‎égerekkitabú‬